ટોક્યો પેરાલિમ્પિક્સમાં પ્રવીણે હાઇ જમ્પમાં સિલ્વર જીત્યો

પ્રાચીએ કેનો સ્પ્રિન્ટની મહિલા સિંગલ્સ 200 મીટર VL-2 ઇવેન્ટમાં ત્રીજા સ્થાને રહીને ફાઇનલમાં જગ્યા બનાવી. તેણે 1: 07.397 સાથે અંતર પૂરું કર્યું. પ્રાચી યાદવ ગ્વાલિયરના બહોદાપુર વિસ્તારના આનંદ નગરની રહેવાસી છે. કેનોઇંગની ફાઇનલમાં પહોંચનારી તે પ્રથમ મહિલા ખેલાડી છે.

પ્રાચી યાદવના બંને પગ જન્મથી ખરાબ છે. 7 વર્ષની ઉંમરે માતાનું પણ અવસાન થયું. 9 વર્ષની ઉંમરે પ્રાચી 2007માં સ્વિમિંગમાં જોડાઈ હતી. એ જ વર્ષે તેને ચેમ્પિયનશિપમાં રમવાની તક પણ મળી. પ્રાચીએ જુનિયર કેટેગરીમાં ગોલ્ડ જીત્યો. આ જીતથી રમતમાં તેનો આત્મવિશ્વાસ વધ્યો. દિવસ -રાત મહેનત કર્યા પછી તે સતત 3 વર્ષ સુધી મેડલ જીતતી રહી.

સ્વિમિંગમાં શાનદાર પ્રદર્શન અને પ્રાચીના મોટા-મોટા હાથ જોઈને તેના કોચે તેને કેનોઈંગ અને કયાકિંગમાં નસીબ અજમાવવા કહ્યું. પ્રાચીએ 2018માં કોચ મયંક સિંહ ઠાકુરના માર્ગદર્શન હેઠળ ભોપાલના નાના તળાવમાં પ્રેક્ટિસ શરૂ કરી. સ્વિમિંગ સાથે સંકળાયેલી હોવાથી પ્રાચીએ કેનોઇંગનો પણ આનંદ માણ્યો હતો.

પ્રેક્ટિસમાં દિવસ અને રાત એક કરી દીધા. પરિણામ પહેલાંથી જ 2019માં રાષ્ટ્રીયમાં એક ગોલ્ડ અને એક સિલ્વરના રૂપમાં જોવા મળ્યું હતું. એ પછી ઓગસ્ટ 2019માં હંગરીમાં રમાયેલી પેરાલિમ્પિક્સ ક્વોલિફાઇંગ ટૂર્નામેન્ટમાં તેણે કેનોઇંગ ઇવેન્ટમાં 8મું સ્થાન મેળવ્યું હતું.

તીરંદાજીમાં પુરુષોની વ્યક્તિગત રિકર્વ ઓપન એલિમિનેશન 1/16માં, ભારતીય તીરંદાજ હરવિંદર સિંહે પોતાનો મુકાબલો જીતીને આગળના રાઉન્ડમાં પહોંચી ગયો છે. આ મેચમાં તેણે ઇટાલીના એસ.

ભારતની પારુલ પરમાર અને પલક કોહલીની જોડીએ બેડમિન્ટનની મહિલા ડબલ્સ SL-3-SU-5 સ્પર્ધામાં હારનો સામનો કરવો પડ્યો હતો. ગ્રુપ બીની બીજી મેચમાં ભારતીય જોડીને ફ્રાન્સ સામે હાર મળી હતી. ફ્રાન્સની કી ફોસ્ટિન નોએલ અને લેનિગ મોરિનને સીધા સેટમાં 2-0થી પારુલ-પલક જોડીને હરાવી ફ્રાન્સે આ મેચ 21-12 અને 22-20થી જીતી હતી.

ટોક્યોમાં ભારતીય પેરા ખેલાડીઓએ અત્યારસુધીમાં 2 ગોલ્ડ સહિત 11 મેડલ જીત્યા છે. અવની લખેરાએ મહિલા SH1-10m રાઇફલમાં ગોલ્ડ મેડલ જીત્યો. આ સિવાય હાઇ જમ્પમાં સુમિત અંતિલે ગોલ્ડ મેડલ જીત્યો. જ્યારે જેવિલનમાં F46માં દેવેન્દ્ર ઝાઝરિયા, ડિસ્ક્સના F56માં યોગેશ કથુનિયા, ટેબલ ટેનિસના વર્ગ -4 માં ભાવિનાબેન પટેલ, T47માં હાઈ જમ્પમાં નિશાદ ટી-42ના હાઇ જમ્પમાં મરિયપ્પન થંગાવેલુએ સિલ્વર મેડલ જીત્યો છે. જ્યારે T42ના હાઇ જમ્પમાં શરદકુમાર અને એફ 46ના જેવલિનમાં સુંદર ગુર્જર અને સિંહરાજ અધાના sh1ની 10 મીટર એર રાઇફલમાં બ્રોન્ઝ મેડલ જીતી ચૂક્યા છે.